2023-yil 15-sentabr kuni Malayziyaning Perlis universiteti professor-o‘qituvchilari Anuar Bin Mat Safar va Fatanah Deraman Surxondaryo viloyati pedagoglarni yangi metodikalarga o‘rgaish milliy markaziga tashrif buyurdilar.

Tashrif davomida malayziyalik professor-o‘qituvchilar markaz direktori bilan uchrashib, taʼlim, ilmiy-tadqiqot hamda professor-o‘qituvchilar almashinuvi bo‘yicha amaliy hamkorlikni yo‘lga qo‘yish masalalarini muhokama qildilar.

Uchrashuvda mehmonlar Malayziya taʼlim tizimi va taʼlim muassasalari faoliyatiga oid taqdimotlarni o‘tkazib, ilm-fan va kadrlar tayyorlash sohasida erishilayotgan yutuqlar haqida ma’lumot berdilar.